الصحفي سرحان الشيخاوي يرد على عبير موسي، هاو فاش كنت نعمل مع المنظفة
اثارت الفيديو التي نشرتها عبير موسي والتي تظهر صحفيا يغادر ممرا منعزلا كانت فيه احدى منظفات مجلس النواب وصور تعليق موسي المسالة وكان الصحفي والموظفة كانا في وضع مخل ، وهي تقول فاش يعمل هذا مع المنظفة
واضافت ، بانه هرب ، وبانه لو تعمل نظرة تفقد في المجلس لوجدت كل المصائب
قلت اثار الفيديو لغطا خاصة وان الامر يتعلق بصحفي مهني يشهد له من يعرفه ومن لا يعرفه بالاستقامة وهو سرحان الشيخاوي
ما لا يجد له العاقل تفسيرا ماهي صفة عبير موسي لتتفقد اروقة المجلس ومكاتبه، ما نعلمه انها مساعدة الرئيس المكلفة بشؤن النواب، ومع ذلك رفضت ان تمضي في كشوفات الملحقين الذين يعملون مع النواب المستقلين وعطلت حصولهم على مستحقاتهم وهو ما اضطر النائب حافظ الزواري المكلف بالتصرف العام ليمضي بدلا منها
وكيف تجرؤ موسي وهي محامية على اتهام صحافي وموظفة في المجلس فقط لانها مجرد منظفة
نعم انها منظفة، ويمكن المنظفة ان تكون نظيفة السمعة يا رئيسة الكتلة
زميلنا سرحان نشر تدوينة كشف فيها تفاصيل ما حدث ننقلها كاملة مع كل التضامن مع سرحان الشيخاوي
شرف الناس ولا لعبة
يجيك لبلا يا غافل..كنت قاعد في بيفات المجلس ..انا و الزميلة Houda Zaghdoudi والزميل Zied Hosni ..نتحدثو خرجت هدى وبعد شوي التحق بيها زياد ..وانا قتلو هاني خالط وراك مزالي شوي في المقال ونكمل ..كمّلت المقال..جيت خارج نلقاهم سكرو الباب الفوقاني متاع البيفات .. رجعت للولاد الي يخدمو في البيفات صابر ووسيم وزوز اخرين ..قلتلهم راهو الباب مسكر.. جاني صابر قلي ايجا نخرجك من باب اخر يقعد محلول ..باب مخصص للمنظفين وبعض العملة ..وصلني هو على خاطر ثمة برشة دخلات وخرجات منعرفهمش ..وصلت للباب قتلو يرحم والديك ارجع على روحك .. حليت الباب وجيت خارج نلقى عبير موسي قدامي تصور ..تعديت على روحي عادي ومشيت نخدم … كملت الخدمة حليت الفيسبوك نلقى عشرات الميساجات من الزملاء باعثينلي فيديو مصورتو عبير ..فيه انا متعدي وورايا منظفة في المجلس تخدم على روحها…وعبير تقول “شيعمل هذا هنا”… وليت كايني انا كنت مع المنظفة.. وللاسف العقل البشري التونسي ينجم يقتنع الي انا والمنظفة كنا وحدنا ،في مساحة فيها نواب وعملة وامن رئاسي ومنظفين ومنظفات و..و..و…
في انتظار توضيح من عبير ، اتصلت بيها اكثر من مرة ومتهزش ..قبل الانطلاق في تتبع قضائي لكل الصفحات والناس الي خدمت على تصفية حساباتها السياسية على كتافنا ،وقبل الاتصال بالنقابة واتخاذ ما يلزم .
خوكم من الضحايا العرضيين للايف النواب ..الرجاء خوض معارككم بعيدا عنا .
