الرئيسية / الرئيسية / روني الطرابلسي يطمئن أحبته:عسلامة من باريس…

روني الطرابلسي يطمئن أحبته:عسلامة من باريس…

بعد شهور من المقاومة تمكن روني الطرابلسي وزير السياحة السابق من التخلص من فيروس الكورونا واستعاد عافيته وقد نشر قبل نصف ساعة تدوينة وجه فيها تحياته لكل التونسيين الذين تعاطفوا معه في محنة مرضه

وقال روني الطرابلسي الذي ترك اطيب الانطباعات كوزير ديناميكي  

عسلامة للناس الكل الّي يعرفوني والّي سألوا عليا وحبّوا يطمانو على صحّتي..عسلامة لكلّ التوانسة وين ما كانوا الّي تحيروا عليّا…عسلامة لأهلي وأحبابي وأصحابي وجيراني خاصة في جربة وجرجيس..عسلامة لكل واحد خمّم فيّا وتمنّالي الشّفاء…عسلامة لكلّ وسائل الإعلام الّي حاولوا يتّصلو بيّا باش يطمّنو التوانسة على صحتي..عسلامة تونس ! 🇹🇳
الحمد لله الّي ربي رفع عليّا هالبلاء وشفاني من هالمرض – فيروس كورونا – الحمد لله الي أنا تعافيت وخرجت من المصحة..الحمد لله الّي ربّي بعثلي أطبّاء توانسة من أعلى مستوى .
الحمد لله ربّي شفاني ورجعت لعائلتي ولداري وأهلي وأحبابي..المحنة هذي خلاّتني نكتشف كمّية وقيمة المحبّة متاعي عند التوانسة، في تونس وخارجها..محبتكم ودعواتكم واهتمامكم بصحتي شرف ليّا وأثّر فيّا برشا.. وزاد قوّى فيّا اعتزازي ببلادي – تونس – الّي عمري ما بخلت عليها بقطرة عرق وبذرّة من جهد..أنا تونسي وأفتخر…
نحب زادة تحية خاصة للجيش الأبيض، جنود الصحة في تونس..شكرا لكل الأطباء والإطارات والأعوان والعاملين في القطاع الصحي وشبه الصحي على مجهوداتهم وتضحياتهم وصبرهم طيلة فترة مقاومة وباء كورونا..شكرا الي رجعّتولنا الأمل..أمل الّي تونس عندها نساء ورجال ما ياقف قدّامهم شيء بشجاعتهم وعزيمتهم.. أمل اليّ بناس كيفهم أكيد…تونس غدوة خير..
فيروس كورونا وحّد التوانسة الكل..وحّد الجهات..وحّد الأحزاب والمنظمات..وحّد زادة القوى السياسية والرئاسات الثلاثة..نتمنى تُقعد الوحدة هاذي موجودة، اليوم وغدوة..تونس صغيرة صحيح لكنها، بإمكانياتها وبشعبها وبشبابها، كبيرة..
شكرا مرة أخرى للناس الكل..وربي يحمي بلادنا..
#تونس_بنسائها_ورجالها
#تونس_غدوة_خير 🇹🇳🇹🇳🇹🇳
روني الطرابلسي

شاهد أيضاً

رئيس الوزراء الفرنسي يعلن استقالة حكومته

قدم رئيس الوزراء الفرنسي إدوار فيليب الجمعة 3جويلية  استقالة حكومته للرئيس إيمانويل ماكرون الذين قبلها، …

اترك تعليقاً

لن يتم نشر عنوان بريدك الإلكتروني.

Powered by Live Score & Live Score App