اصدرت اللجنة الاولمبية التونسية برئاسة محرز بوصيان بيانا عبرت فيه عن رفضها لقرار جامعة الجريء تعليق نشاط الهلال الشابي بسبب عدم خلاص خطايا خيالية سلطت على النادي بعد تدوينات فيسبوكية اقضت مضجع الجريء
وكانت جامعة الجريء اصدرت بلاغا جاء فيه
عملا بمقتضيات الفصول 25 و 29 و 31 من القوانين العامة للجامعة التونسية لكرة القدم و بعد معاينة عدم اكتمال ملف انخراط جمعية الهلال الرياضي الشابي رغم مراسلة النادي و تذكيره في العديد من المرات و في إطار الصلوحيات المخولة له قرر المكتب الجامعي المجتمع اليوم السبت 17 أكتوبر 2020 ، تعليق نشاط الجمعية المذكورة اعلاه و منعها من المشاركة في المسابقات التي تنظمها الجامعة التونسية لكرة القدم و هياكلها بالنسبة للموسم الرياضي 2020-2021 .
و دعت اللجنة الاولمبية السلط المعنية للتدخل ويمكن نظريا لوزير الرياضة حل جامعة كرة القدم او ايقاف وديع الجريء عن النشاط بقرار معلل يثبت التقصير او سوء التصرف
من جهة اخرى نشر عضو المكتب الجامعي النائب بمجلس النواب حسين جنيح تدوينة تبرا فيها من المشاركة في اتخاذ القرار ضد الهلال الشابي
وقال جنيح
اول حاجة بش نسكر الموضوع راني ماحضرتش في اجتماع الجامعة متع البارح اصلا و راهو ثبّتت ماكانش فيه تصويت اصلا.
ثانيا راني مهمتي الوحيدة مسؤول على المنتخب لا عندي دخل لا مالبعيد لا مالقريب بالبطولة متاعنا ولا نحب نتدخل.
ثالث واخر حاجة حسرتي على جمعية الشابة المحترمة جدا خاصة من الناحية الرياضية الي في الآخر وفي الرسمي بش تلقى روحها وحدها وماهي بش تلقى حد متضامن معاها من 350 جمعية في تونس، اسألوني اني نهارة الي قلت ماناش لاعبين ماتش حمام الانف جمعة كاملة يدورو بيا على الاعناق و الجمعيات الكل يبعثولي برافو احنا معاك واولهم الجمعيات الكبار فيهم الي من مطار قابس يكلمو فيا وقتها واجتماعات من غدوة الخ… و من بعد باعونا في راس النهج وكمّل جمهورنا في الاخر ردنا احنا خسّرناه في البطولة خاطر قلنا ماعاش لاعبين… السنين هاكي كان سي صابر بوعطي يذكرو بالخير- الي حقيقة نحترمو برشة- رئيس لجنة الإستئناف متع الجامعة الي تحكم على بونجاح ب6 ماتشوات كي يفرح الخ…
مع الأسف الكورة الي مايعرفهاش مناش منفوخة مالداخل صعيب ياسر ينجم يفهمها… رغم الي تبان ساهلة مالبرة…
